LETI!!!!

Núna er sumrinu lokið og ég er komin aftur til New York!!!! Mér er reyndar farið að finnast eins og sumarið hafi bara verið draumur því það leið svo rosalega hratt!!!

En hvað um það, þetta var gott sumar og sakna þess alveg ágætlega eins og stendur, núna er ég nefnilega ein og yfirgefin í New York og það er ekki byrjaður skólinn og ég er búin að hvíla mig alveg nóg, þannig að mér leiðist bara. Búin að gera flest allt sem ég þurfti að gera sem ekki kostar peninga, peningarnir mínir eru allir í einhverju millibils ástandi og eru farnir frá Íslandi en ekki komnir til New York, þannig að ég get ekki gert nokkurn skapaðan hlut nema nota kreditkort og ég er ekki alveg að “gúddera” það.

Ég hef hugsað mér að blogga í vetur, þar sem ég er orðin örlítið þreytt á facebook, svo þið sem hafið saknað bloggsins getið tekið gleði ykkar á ný

Ég ætla að láta þetta gott heita í bili en læt heyra í mér fljótlega aftur

Ciao

Úffff

Já, það er víst komin mánuður síðan ég skrifaði eitthvað hérna. En eins og áður, þá er allt á fullu hérna, en eftir tvo daga eru amma og Kolbrún Halla að koma í heimsókn til mín og þá ætla ég að vera í fríi ….. í heila 4 daga

Það er nú reyndar smá bump in the road núna, ég er veik með hita, hálsbólgu og krónískan höfuðverk. svo ég hef ekki getað gert neitt í allan dag.

Núna ætla ég að fara að sofa, svo ég geti mögulega farið út úr rúmminu á morgun

Bless í bili.

Jæja, …

… hvernig væri nú að blogga svolítið!!!!

Þá er fyrsta einkunn annarinnar í höfn og ég fékk A geggjað góð!!!!! bara tvær villur

Annars er allt ágætt að frétta, allt vitlaust að gera, var í The Hamptons um helgina að passa og reyndi að vinna eins mikið og ég gat í öllum verkefninum mínum og kom heim á sunndaginn, er búin að vera að vinna í verkefnum síðan og verð að vinna í verkefnum hér eftir, IT IS LIKE THE NEVER ENDING STORY!!!!

Amma er búin að kaupa flugmið hingað  um miðjan mars og ég hlakka bara ekkert smá til!!!! Þá verð ég líka í vor fríi svo ég ætla að taka mér þessa 5 daga í frí frá verkefnum (reyna að vera alveg í fríi) reyndar eru nokkrir kennarar að segja okkur núna að við þurfum að vinna verkefni í vor fríinu, sem mér finnst nú bara frekar asnalegt, því þetta heitir vor FRÍ en þeir virðast ekki vera alveg á því að leifa okkur að vera í fríi.

Ég fór til námsráðgjafa í dag til þess að fara yfir mín mál og það er komið í ljós að ég get ekki klárað fyrr eins og ég ætlaði að reyna að gera með því að vera í sumarskóla vegna þess að það er bara hægt að taka 5 einingar í sumarskóla sem kemur þannig út að ég næ ekki að taka 15 einingar önnina þar á eftir, sem ég verð að  taka vegna þess að annars fæ ég ekki námslán frá LÍN. Þetta lið er alveg sérstaklega þvert og erfit við mann!! En það sem ég get gert er að taka 2 einingar (einn áfanga) í sumarskóla og taka síðan einn val áfanga á haustönninni, en þar á móti kemur að ég þarf bara að taka 3 einingar í viðbót til að fylla upp í valeininga kvótan minn. Og svona heldur þetta áfram ….. endalaust!!! Veit ekki alveg hvað ég á að gera í þessu öllu saman!! Er ekkert vit í því að koma heim þrátt fyrir að ég fái vinnu vegna þess að ég þarf að borga leiguna og reikningana hérna hvort sem er.

Ég sótti um námsstyrk í dag í gegnum skólan og vonandi fæ ég hann, 1500 dalir sem ég fengi endurgreidda fyrir þessa önn og síðan get ég sótt um hann aftur fyrir næsta ár og þá fengi ég 1500 dali fyrir hvora önn. Manni finnst nú svolítið eins og maður sé að betla þess peninga, því maður þarf að bera sig óttalega aumingjalega til þess að sækja um, skrifa bréf sem segir afhverju “sponsorinn” minn getur ekki látið mig hafa eins mikla peninga og ég þarf og síðan þarf “sponsorinn” líka að skrifa bréf þar sem kemur fram afhverju hann er ekki í sömu stöðu og hann var í þegar ég kom hingað. Hálf kjánalegt eitthvað finnst mér, mér finnst nú bara að þeir ættu að líta á hvernig manni gangi í skólanum og hvað kennararnir manns segja um mann, þetta ætti að var verðlaun fyrir góða framistöðu en ekki betl.

Í síðustu viku fékk ég rosaleg “fallegt” bréf þar sem fram kom að ég hafi verið sett á lista yfir afburða nema, þar sem ég kláraði að minnsta kosti 12 einingar og var með meira en 3.5 í GPA (Grade Point Average=meðal einkunn) á síðustu önn, en ég kláraði 16 einingar og var með 3.75 GPA. Mér fannst það nú bara frekar skemmtilegt að fá svona hól frá skólanum sem gerði það náttúrulega að verkum að núna er ég ennþá staðránari í því að fá A í öllum áföngunum mínum þess önnina (vona bara að það takist, verður ekki mikið um svefn þessa önnina).

Jæja, ætli sé ekki best að halda áfram með smjörið og fara að gera eitthvað.

Bless í bili!!!

P.S. Ég held að það sé gas leki í íbúðinni minni og húsvörðurinn svara ekki í síman veit ekki alveg hvað ég verð að gera!!! En ég er með opinn gluggan sem er við hliðina á gas intakinu svo ég held ég eigi alveg eftir að lifa þetta af, þið þurfið ekkert að hafa áhyggjur

Knús og koss!!!

In over my head!!!!

Já ég held bara að ég sé við það að sökkva!!! Það er svo rosaleg mikið að gera í skólanum að ég veit eiginlega ekki hvar ég á að byrja. Núna um helgina verð ég að læra fyrir:

1. Próf sem er á þriðjudaginn (frekar auðvelt próf en þarf samt að læra fyrir það)
2. Síðan er fyrsta kynningin mín á fimmtudaginn og það á eftir að taka langan tíma að setja hana saman vegna þess að maður þarf að gera ALLT í höndunum og ég á í bölvuðum vandræðum með að finna út litina í verkefnið vegna þess að þetta er herbergi í Louis XVI stíl og þetta er bara alveg drullu erfit að koma saman saman litum þegar maður er að vinna með alvöru efni og þarf að fara í þessa blessuðu D&D byggingu. Síðan er ég að fara í tíma í fyrramálið
3. Ég hef á tilfinningunni að við eigum að kynna það verkefni í næstu viku líka og fyrir það verkefni þurfum við bæði að vera með allt á hengt upp, útprentað og gert í höndum og við þurfum að prenta út bók um verkefnið sem kennarinn tekur og fer yfir.
4. Síðan þarf ég að byrja á að taka í gegn myndir fyrir sögu (þvoli ekki sögu)
5. Og á mánudaginn verð ég að hitta ensku kennarann minn og vera búin að finna eitthvað annað til að skrifa heimildaritgerð um heldur en ég var búin að ákveð vegna þess að það eru svo sára litlar heimildir sem ég er búin að finna (meigið alveg send mér hugmyndir ef ykkur dettur eitthvað í hug, þarf að vera eitthvað skemmtilegt og enga pólitík eða trúmál)
6. Mannfræði er líka á listanum en það eru bara nokkrir textar sem ég þarf að reyna að komast í gegnum og semja tvær spurningar sem tengjast þeim (getur reyndar stundum verið svolítið “trikkí”)
7. Ég þarf líka að reyna að teikna þrívíddar teikningu fyrir  einn tíma sem ég myndi síðan nota í kynninguna mín á fimmtudaginn

Eins og þið getið séð þá er ýmislegt að gera og svona líta eiginlega allar vikurnar mínar út, plús vinnan á bókasafninu og að passa (reyndar búin að vera mjög lítil barnapössun þessa dagana, bara á fimmtudögum).

Ég get einhvern vegin ekki ímyndað mér hvernig næsta önn verður ef þessi er svona miklu erfiðari en síðasta önn.

En hvað um það, verð að fara að klár verkefni fyrir morgundaginn, verð örugglega til að verða 3-4 að klára það.

Góða nótt öll sömul vona að þið sofið nokkra tíma fyrir mig, veitir ekki að af fá smá hjálp við svefn, helvíti erfit að koma honum fyrir þessa dagana.

Bless í bili!!!!

Veit ekki hvaðan ég er!!!

Jamm, maður er orðin hálf ruglaður í höfðinu!!! Ég var að enda við að horfa á fréttinar í gærkvöldi og mér einhvern vegin finnst ég ekki þekkja Ísland, þetta er allt eitthvað svo fjarlægt og undarlegt allt saman, ég er bara nánast með tár í augunum yfir þessu öllu saman.
Ég hef ekki verið að fylgjast mjög göngæfilega með því sem hefur gengið á síðustu vikuna vegna þess að ég held ég myndi bara hreinlega springa, ég veit að hin íslenska stelpan sem er með mér í skólanum liggur yfir fréttunum og er búin að fylgjast með þessu öllu saman og hún er ekki í allt of góðu standi, þannig ég held ég reyni bara að halda mér á yfirborðinu á þessu öllu saman.
Það sem mér finnst aftur á móti eftir atburði dagsins er að þessir blessuðu alþingismenn okkar verði bókstaflega að henda sínum pólitísku skoðunum í burtu í bili og vinna SAMAN að því að leysa ástandið sem við erum komin í, mér finnst einhvern vegin ekki skipta nokkru máli hvort þú er vinstra megin, hægra megin eða í miðjnni, við sitjum öll í súpunni og þurfum að finna einhverja leið í gegnum vandann!!!!
Og !!!!Davíð!!!!! ég held nú bara að þú ættir að ganga út úr Seðlabankanum með upp réttar hendur og “surrender“, það eru allir löngu búnir að fá nóg af þér og þú getur ekki snúið þér út úr þessu!!!

En svona til þess að snúa sér aðeins og léttari nótur, þá gengur lífið alveg ágætlega hérna, maður tekur bara eina viku fyrir í einu og reynir að komast í gegnum þetta allt saman með nokkrum þokka, rosalega mikið að gera í skólanum og svo reyni ég að vinna eins mikið og ég mögulega get til þess að hafa nóg í mig og á. Er að reyna eins mikið og ég get að hafa nóg svo ég þurfi ekki að mjólka ömmu og afa endalaust, mér hefur gengið það ágætlega enn sem komið er og vona að það eigi eftir að ganga vel áfram!!!!

Svo er ég nú með nokkur verkefni í gangi fyrir utan skólan en það er nú ekkert sem ég á eftir að verða ríka af en gaman samt að takast á við

Jæja, ætli þetta sé ekki nóg í bili verð að vakna snemma til að fara að finna efni fyrir verkefnið mitt í hinnu frægu D & D byggingu (sem er bara algert “pein” að fara í því þeir eru ekki alltaf mjög skemmtilegir við nema).

Bless í bili

Skóli Skóli Skóli

Jamm, þá er baráttan byrjuð enn og aftur og það er sko mikið meira en nóg að gera, allir kennararnir eru sko að byrja “full speed” engin miskunn!!!! Það er svo sem ekkert slæmt, maður þarf bara að fara að drattast fram úr rúminu og gera eitthvað, en þegar maður er búin að vera í slökun í hátt í mánuð þá er það frekar erfitt!!! Og ekki bætur bölvaður kuldinn úr skák, mann langar bara alveg alls ekki fram úr þegar hitinn er undir -5° flesta daga.

En maður verð víst að harka af sér og fara að gera eitthvað af viti, svo núna er ég búin að vera að læra þessa helgina og er að fara að vinna á bókasafninu í fyrramálið og þegar því er lokið verð ég á bókasafninu fram á kvöld að vinna í alveg hrikalega ógnvekjandi verkefni, maður verður að kryfja hönnun á húsi eftir frægan arkitekt og við erum að tala um að rífa húsið í sundur, finna út hvað arkitektinn var að hugsa og byggja húsið upp á nýtt!!!! Hljómar frekar ógnvekjandi.

Hún amma á Selfossi fór í heimsókn til vinkonu sinnar fyrir stuttu en hún les í tarot og ég hef farið til hennar tvisvar sinnum. Hún lagði niður spil fyrir mig og allt leit vel út næstu mánuðina og það sem meira er þá sagði hún að það væri einhver strákur í nánustu framtíð, það verður gaman að sjá hvort það gengur eftir!!! Eins og er er engin strákur á mínum radar!!! hehehehe

En allavegana er ég að fara að sofa núna svo ég vakni einhvern tíma í fyrramálið

Góða nótt og bless í bili!!!

Nýtt ár!!!

Já, eins og kannski flestir hafa tekið eftir er komið nýtt ár og heitir það 2009, alveg merkilegt að þetta hafa gerst eina ferðina enn, eitt ár liðið í viðbót og ég er ennþá í skóla veit ekki hvort þetta sé heilbrigt!!!!

En á þessu ári er ég náttúrulega búin að ákveða að gera hitt og þetta og reyna að vera betri en ég er nú þegar. Eitt af mínum áramótaheitum er að ég ætla að hætta að henda svona miklum mat eins og ég gera venjulega. Það eru alveg þó nokkrir dalir í hverjum mánuði sem fara beint í ruslið og eins og staðan er í heiminum þessa dagana þá hefur maður nú ekki beint efni á því.
Síðan er það náttúrulega eylífðar baráttan við aukakílóin sem ég ætla að herja þetta árið (eins og þau fyrri) og gengu nú bara alveg ágætlega enn sem komið er er búin að missa nokkur pund nú þegar síðan ég kom heim frá Kólombíu.
Ég er líka eina ferðina enn búin að snúa sólahringnum við svo ég er búin að bæta við á listan að ég ætla að halda sólahringnum í nokkuð föstum skorðum þetta árið.

Svo þetta er árið mitt það sem af er og ég er nokkuð sátt við lífið, þrátt fyrir að ég hafi nú ekki neitt sérstaklega mikið að gera En það mun nú líklega breitast í næstu viku

Jæja, er þetta ekki bara nokkuð gott í bili.

Bless í bili

Colombia!!!!

Jæja, er ekki komin tími til að ég standi við gefin loforð og segi ykkur svolítið frá ferðinni til Kólombíu.

Ferðin byrjaði nú á því að ég varð að redda mér sjálf í einni af hættulegustu borgum Suður-Ameríku, Bogota, en minns er náttúrulega svo æðisleg að maður reddaði þessu öllu án þess að lenda í nokkrum vandræðum og í þokkabót án þess að borga meira en eðlilegt er bara nokkuð snjöll þessi skvísa

Síðan var flogið til Pereira morguninn eftir og eftir langan aðskilnað vorum við Violetta saman á ný Er maður ekki skáldlegur, hehehe!!! En það var alveg svakalega gaman að sjá hana aftur og Julio og ekki má gleyma honum Enzo mínum og það sem meira er, hann Enzo minn mundi eftir mér og það var ekkert smá gaman

Þetta var sko engin smá leti ferð og afslöppunin var eiginlega alveg 100%. En þrátt fyrir það fórum við nú stundum í ferðir útfyrir bæjinn og sú fyrsta var hestaferð sem átti upphaflega að vera strákaferð fyrir vini hans Julio en þegar skipuleggjandinn komst að því að ég væri að koma í fyrsta skipti til Kólombíu þá reddaði hann tveimur hestum í viðbót svo við Violetta gætum komið með Þannig við skelltum okkur í þriggja tíma hestaferð með fertugum karlmönnum sem voru allir alger “baby” eiga ekki fjölskyldu og leika sér alla daga algerir glaumgosar, nema einn þeirra, hann á tvö börn og konu, enda var líka lang þægilegast að spjalla við hann
Það var alveg fáranlega heitt og ég var með tvöfalt lag af 55spf sólarvörn og síðan var ég í peysu, þykkum buxum og með hatt á höfðinu (enda sést ekki á mér að ég hafa verið í sól síðustu 10 daga). Það var alveg svakalega fallegt þar sem við fórum. Því miður þá gleymdi ég myndunum í tölvunni hennar Violettu, en ég fæ þær seinna í mánuðinum og set þær inn þá, þeir sem eru með facebook geta líka séð þær þar

Næst síðasta daginn minn í Pereira fórum við í bíltúr upp í fjöllin í lítinn bæ, þessi bær er alveg svakalega fallegur og allt hefur nýlega verið tekið í gegn í bænum og öll húsin eru nýmáluð og alveg rosalega litskrúðug og falleg (það eru myndir hérna fyrir neðan) bærinn heitir Salento og er mjög fátækur og eiginlega mjög svipaður og bæjirnir voru í gamladaga á þessu svæði.
Eftir hádegismat í bænum, þar sem ég fékk mat sem ekki er hægt að fá neinstaðar annarstaðar í heiminum nema í þessu bæ, fórum við í bíltúr inn dalinn þar sem FARC búa alstaðar í fjöllunum, við fórum ekki langt inn dalin, bara að tjaldsvæði sem er þarna í dalnum. Þarna vörum við komin um 2500 metra yfir sjávarmál svo það var alveg drullu kalt þarna og svo var alveg grenjandi rigning og þoka þannig að ég gat ekki tekið neinar myndir.

Einn daginn fórum við með mömmu hennar Violettu á búgarðin þeirra þar sem hún er með 40 hektara af sykur-rey og hátt í 400 kýr og naut til kjötframleiðslu. Einnig eru þau með hesta til þess að hægt sé að fara um landið, en það er mjög óslétt og mjög háar hæðir út um allt. Við vorum á bíl þegar við fórm og vorum að keyra í rennandi blautu grasi upp á þessum hæðum og mamma hennar Violettu er alveg hræðilegur bílstjóri svo ég var afskaplega fegin þegar við loksins fórum heim og við vorum heil á höldnu, vorum nokkrum sinnum frekar tæp þega bíllinn byrjaði að renna og snúast í blautu grasinu.

Á þorláksmessu vorum við Violetta niðri í miðbæ og það var alveg pakkað í bænum, allir að kaupa síðust gjafirnar og redda því sem redda þurfti. Allt í einu heyrðum við öskur og karlar byrjuðu hrópa og kalla og allir byrjuðu að hlaupa og búðirnar renndu niður járn hlemmum. Í ljós koma að það voru slagsmál og ástæðan fyrir öllum þessum ótta var að mjög margir ganga um með byssur, en lögreglan var þarna rétt hjá og engar byssur voru til staðar svo hræðslan var óþörf, en ég viðurkenni það að það fór svolítið um mann.

Flesta daga vorum við nokkuð róleg og fórum í nudd og slökuðum á. Vorum eignlega bara alveg geggjað löt Hafði ekkert á móti því sko

Hérna koma myndirnar sem ég er með hérna en síðan bætast fleiri við þegar ég fæ restina hingað

Skomm!!!

Vil bara hvetja fólk til thess ad lesa thessa grein og horfa a myndbandid, thad er sko verid ad mála afskaplega ljóta mynda af okkur í hinum stóra heimi!!!

http://online.wsj.com/article/SB123032660060735767.html#articleTabs_video%26articleTabs%3Darticle

Ég skrifa sídan inn ferdasoguna á thridjudaginn!!!! Thegar ég verd komin heim!!!!

Úffff!!!!

Ég er eitthvað svo andlaus í dag. Var að vinna á bókasafninu í dag og fékk þá stöðu að sjá um “the material library” sem eru c.a. 10 kassar fullir af alls konar efnum, gólfefnum og veggfóðrum sem við megum taka og nota fyrir verkefnin okkar, fyrirtæki út um allt senda alls konar dót sem þeir eru hættir að nota eða bara vegna þess að þeir vilja leifa okkur að nota það sem þeir hafa að bjóða. Ég verð líklegast með umsjón yfir þessu safni næstu önn og við ætlum að finna út betri leiðir til þess að fólk gangi ekki svona svakalega illa um. Þegar ég kom var eins og það hefið verðið sprenging þarna.

Núna eru bara 2 sólahringar þangað til ég verð í Kólombíu og ég bara get ekki beðið, en ég á eftir að gera svona c.a. 300 hluti áður en ég get sest rólega í sólina og skemmt mér.

Ég var andvaka fyrir nokkrum dögum og fór að velta fyrir hvað ég er eitthvað brengluð, ég er búin að búa og sjá um mig sjálf í þó nokkuð ár (með hjálp frá LÍN og ömmu og afa) ég er búin að vera í skóla í 20 ár og flokkast undir að vera fullorðin. Af einhverjum ástæðum get ég bara ekki séð sjálfa mig sem fullorna, mér finnst ég bara einhvern vegin ekki vera fullorðin, mér finnst ég bara vera stelpa að gera það sem hana langar að gera og í þokkabót þá er ég nú ekki að læra eitthvað göfugt, heldur er ég í grunnhyggnu og efnislegu fagi, ég ætla bara að gera veröldina fallegri (fyrir “the rich and famous”).

Jamm, þetta er það sem gerist þegar maður er andvaka, maður fer að hugsa ekki alltaf gott!!!!

En jæja, ætli ég fari ekki að gera eitthvað af viti núna, svo ég þurfi ekki að hugsa

Bless bless!!!!